女神公开恋情
对咁多位巴打嚟讲
係一个噩耗
今次公开恋情嘅
係wuli赌王千金何超莲
啱啱公开话题即刻冲上热搜第一
超莲BB样靓身材正家底厚
有学识又热心公益
係好多人心目中嘅完美女神
究竟边位咁犀利
成为一众男士嘅「情敌」？
well
今日二人喺微博大方公开恋情
隔空派狗粮
作为超莲好姊妹
阿G.E.M.分别喺两人微博下边留言
对窦骁讲：「对她好点」
窦骁回应：
「会哒会哒~我会照顾好你老婆的」
超莲感动到想喊
而喺超莲微博下方
阿G.E.M.就发咗几个表情祝贺对方
点解咁突然公开呢？？？
原来係被人影到
超莲同窦骁共进晚餐
随后返寓所喺电梯拥吻嘅画面
啱啱被人影到就公布恋情
真係令大家措手不及
不过网友都纷纷留言祝福呢一pair
窦骁究竟係咩人呢？
等可乐君同大家八卦一下！
佢88年出世
同91年嘅超莲BB年纪相差不大
身高182都算高大威猛
佢係陕西省西安市出世
十几岁就跟屋企人移民加拿大
之后学习空手道
仲连续2年喺比赛取得金银奖牌
2007年窦骁参加加拿大中文电台
举办嘅Sunshine Boyz选秀比赛
最终获得总决赛冠军
08年返中国考入北影表演系
大二嗰阵参加
张艺谋《山楂树之恋》
公开选角活动
被选角副导演推荐俾张艺谋
2010年与周冬雨主演嘅
《山楂树之恋》上映
从而正式进入演艺圈
之后一路喺影视界发展
拍过好多电影
包括《倾城之泪》《大追捕》
《破风》《新步步惊心》等等
基本都係搭档D出名嘅演员
剧集就拍得唔多
有《楚乔传》《时间都知道》
《爱上你治愈我》等等
总体感觉形象都几好
成个阳光大男孩咁
Any肥
可乐君都祝福佢哋一齐开开心心啦！
你觉得呢pair点？
